प्रस, वीरगंज, ९ भदौ/
ग्रीनसिटी सामुदायिक सेवा केन्द्रको आयोजनामा शनिवार जिल्ला प्रशासन कार्यालय, पर्सामा वृक्षारोपण गरिएको छ ।
जिप्रका पर्साका प्रमुख जिल्ला अधिकारी हीरालाल रेग्मीले वृक्षारोपण गरेर कार्यक्रमको शुभारम्भ गरेका थिए । ग्रीनसिटीका अध्यक्ष प्रकाश खेतानको अध्यक्षतामा भएको कार्यक्रममा म्याङ्गोस्टीक ५० थान र कलकी ३० थान गरी ८० थान बिरुवा रोपिएको थियो ।
कार्यक्रममा सप्रजिअ भीमकान्त पौडेल, शिवप्रसाद लम्साल, प्रहरी नायब उपरीक्षक दीपक गिरी, डा अजितकुमार साह, किरण अग्रवाल, त्रिलोचन दारुका, रतन टेमानी, महेश सिंह धामीलगायतको सहभागिता थियो ।
