प्रस, पंचगावाँ, ४ साउन/
पटेर्वासुगौली गाउँपालिका–३ सोनवर्षास्थित जैनुल होदाको घरनजीकैबाट २९ किलो गाँजासहित दुर्ईजना पक्राउ परेका छन्।
पक्राउ पर्नेमा जैनुल होदा र मकवानपुर रक्सीराङ गापा–३ का रामजी थिङ रहेको प्रहरीले जनाएको छ।
यसैगरी, गाँजा मुद्दामा फरार रहेका सोही ठाउँका अखिलेश गिरी र मनोज गिरीलाई पुनः गाउँमा आई गाँजाको कारोबार गरिरहेको स्थानीयले बताएका छन्।
स्थानीय प्रहरीको संरक्षणमा गिरीद्वयले गाँजाको कारोबार गर्ने गरेको र गाउँमा विकृति फैलिएको स्थानीयवासीले बताएका छन्।
यस विषयमा पर्साका प्रहरी उपरीक्षक कोमल शाहले गिरीद्वयलाई पक्राउ गर्ने बताएका छन्।
