नेपाल राष्ट्र बैंकको वार्षिकोत्सवमा क्रिकेट प्रतियोगिता

प्रस, पोखरिया, १० वैशाख/
नेपाल राष्ट्र बैंकको ६८औं वार्षिकोत्सवको अवसरमा नेपाल राष्ट्र बैंक वीरगंज कार्यालयले आयोजना गरेको अन्तरबैंक क्रिकेट प्रतियोगिता २०८० को उपाधि नबिल बैंकले जितेको छ।
आदर्शनगर खेल मैदानमा आइतवार भएको फाइनल खेलमा हिमालयन बैंकलाई २० रनले हराउँदै नबिल बैंक विजयी भएको हो। विजेता र उपविजेता टीमलाई नेपाल राष्ट्र बैंकका निर्देशक अजित रेग्मी र उपनिर्देशक रचना शर्मा पराजुलीले पुरस्कृत गरेका थिए।
नेपाल राष्ट्र बैंकलगायत अन्य २२ वटा बैंक तथा वित्तीय संस्थाहरूको सहभागिता रहेको उक्त प्रतियोगितामा उत्कृष्ट ब्याट्सम्यान हिमालयन बैंकका अरविन्द यादव, उत्कृष्ट बलर नबिल बैंकका रोशन मिश्र, उत्कृष्ट फिल्डर माछापुच्छ«े बैंकका किरण नेपाल र उत्कृष्ट महिला खेलाडी नेपाल राष्ट्र बैंकका इशा भुजेल रहेका थिए।
नेपाल राष्ट्र बैंकका सहायक निर्देशक नरेश सर्राफ उक्त प्रतियोगिताका संयोजक थिए।