प्रस, वीरगंज, ९ वैशाख/
पर्सा जिल्लाका तीन स्थानमा शनिवार भएको रक्तदान कार्यक्रममा २४ जना महिलासहित १६६ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
अखिल नेपाल ट्रेड युनियन महासङ्घ बाराले वीरगंजको घण्टाघरमा आयोजना गरेको रक्तदान कार्यक्रममा तीनजना महिलासहित ५३ जनाले रक्तदान गरेका थिए ।
यसैगरी, सन्त निराकारी मण्डल नेपालले प्रसौनीभाठामा आयोजना गरेको रक्तदान कार्यक्रममा तीन महिलासहित २० जना र नेवा देव दुबु महानगर समितिले माईस्थान पार्कमा आयोजना गरेको रक्तदान कार्यक्रममा १८ जना महिलासहित ९३ जनाले रक्तदान गरेको केन्द्रका प्राविधिक प्रमुख पाण्डले बताए ।
अखिल नेपाल ट्रेड युनियनले आयोजना गरेको कार्यक्रममा तेतरीदेवी साह, आशाकुमारी कानू, नेहा मण्डल, सन्तोष पटेल, वीरेन्द्र कुर्मी, अरुण ओझा, अमित पनेरु, सुबोध साह कानूलगायतले रक्तदान गरेका थिए ।
यसैगरी, सन्त निराकारी मण्डल नेपालले आयोजना गरेको रक्तदान कार्यक्रममा कोशिला देवी, प्रविताकुमारी राम, बतासी देवी, चन्दनकुमार बनिया, विनोद गिरी, योगेन्द्र प्रसादलगायतले रक्तदान गरेका थिए भने नेवा देव दुबुले आयोजना गरेको रक्तदान कार्यक्रममा सबाना श्रेष्ठ, पूनम श्रेष्ठ, प्रतिज्ञा वैद्य, कविता श्रेष्ठ, रक्षा क्षेत्री, रोशन वैद्य, अनुपबहादुर राणामगर, अभिषेक शाह, शशाङ्क खड्गी, नितेश पाण्डेलगायतले रक्तदान गरेका थिए ।
