जगदम्बा सिमरा गोल्डकप : एनआरटी सेमिफाइनलमा

प्रस, वीरगंज, १२ चैत/

जगदम्बा सिमरा गोल्डकपको १३औं संस्करणको दोस्रो क्वार्टर फाइनलमा एनआरटी विजयी भएर सेमिफाइनलमा प्रवेश गरेको छ ।

आइतवार भएको दोस्रो क्वार्टरफाइनलमा वीरगंज युनाइटेडलाई शून्यका विरुद्ध एक गोल गरी एनआरटी विजयी भएर सेमिफाइनलमा प्रवेश गरेको गोल्डकप आयोजक कमिटीका सुनील गाउँलेले बताए ।

प्रतियोगिताको पहिलो हाफमा गत वर्षको विजेता एनआरटीका अशोक थापाले पहिलो गोल गरेका थिए । सोही गोल नै निर्णायक साबित भएको थियो ।