प्रस, वीरगंज, ४ चैत/
पर्सा र बाराको तीन स्थानमा शनिवार भएको रक्तदान कार्यक्रममा २९० जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
राउन्ड टेबल नेपालले वीरगंज महानगर–१८ सुखचैनामा आयोजना गरेको रक्तदान कार्यक्रममा १६ महिलासहित ११२ जनाले रक्तदान गरेका थिए ।
रक्तदान गर्नेमा तीजा देवी, मीना देवी, खुशबु मण्डल, सुदामा महरा, आशिक मण्डल, राजेश पटेल, अजय मण्डल, नवलकिशोर प्रसाद, तपेश्वर महतो, सुशील रौनियार, ओमप्रकाश साह, किशोरी रायलगायत रहेको प्राविधिक प्रमुख पाण्डेले बताए ।
यसैगरी कलैया उपमहानगरपालिका–४ मा शुभलाभ बहुमुखी सहकारी संस्थाले आयोजना गरेको रक्तदान कार्यक्रममा ४ जना महिलासहित ८७ जनाले रक्तदान गरेका थिए ।
साक्षी गुप्ता, आरतीकुमारी साह, बलिराम दास, सेराज मन्सुर, राजेश गुप्ता, रमेश जयसवाल, बृजकिशोर साह, विद्यानन्द पटेल, सरोज यादव, मनोज गुप्तालगायतले रक्तदान गरेको प्राविधिक प्रमुख पाण्डेले बताए ।
यसैगरी बाराको परवानीपुर–३ हबीब मार्केटमा शुभकामना बचत तथा ऋण सहकारी संस्थाले आयोजना गरेको रक्तदान कार्यक्रममा एकजना महिलासहित ९१ जनाले रक्तदान गरेका थिए ।
अरविन्द ठाकुर, दिपकसाह गोढ, सुरिज गुप्ता, चन्दन रौनियार, प्रेमनारायण चौधरी, ललनसाह सोनल, दिनेश सोनार, सफिक आलम, शमीम आलम, लालबाबू पटेल, ओमबाबू यादवलगायतले रक्तदान गरेको प्राविधिक प्रमुख पाण्डेले जानकारी गराएका छन् ।
