खो–खो खेल्न वीरगंजको टोली भक्तपुर प्रस्थान

प्रस, वीरगंज, ४ फागुन/

भक्तपुर नगरपालिकाको आयोजनामा शुक्रवारदेखि हुने अन्तरनगर पुरुष खो–खो प्रतियोगितामा सहभागी हुन वीरगंजको टोली बिहीवार प्रस्थान गरेको छ । नगरप्रमुख राजेशमान सिंहले टीका लगाएर टीम म्यानेजरसहित १४ जना खेलाडीलाई बिदाइ गरेका थिए ।

शुक्रवारदेखि ९ गतेसम्म हुने प्रतियोगितामा विभिन्न नगरपालिका तथा महानगर गरी १४ वटा टीमको सहभागिता हुने भक्तपुर नगरपालिकाका प्रमुख सुनील प्रजापतिले जानकारी दिएका छन् ।