वाशिङ्टन, २८ माघ/एएनआई
अमेरिकी गुप्तचर समुदायले चिनियाँ जासुसी बेलुनलाई पिपुल्स लिबरेशन आर्मीद्वारा सञ्चालित बृहत् निगरानी कार्यक्रमसँग जोडेको छ । वाशिङ्टन पोस्टले अमेरिकी अधिकारीहरूले जासुसी निशाना बनाइएका सहयोगी र साझेदारहरूलाई यसबारे जानकारी दिन थालेका छन् ।
दी वाशिङ्टन पोस्टका अनुसार चीनको दक्षिणी तटमा रहेको हेनान प्रान्तबाट केही वर्षसम्म सञ्चालन भएको निगरानी बेलुन प्रयासले जापान, भारत, भियतनामलगायत चीनका लागि उदीयमान रणनीतिक चासो भएका देशहरू र क्षेत्रहरूमा सैन्य गतिविधिको जानकारी सङ्कलन गरेको बताइएको छ ।
अधिकारीहरूका अनुसार पिएलए वायुसेनाद्वारा सञ्चालित निगरानी हवाईजहाजहरू पाँच महाद्वीपमा देखाइएको छ । एक अधिकारीले भनेका छन्, “चिनियाँहरूले अविश्वसनीय पुरानो प्रविधि प्रयोग गरेर आधुनिक सञ्चार र निगरानी गर्दै अन्य राष्ट्रका सेनाहरूका गतिविधि नियन्त्रण गर्ने प्रयास गरेका छन् ।”
न्युयोर्क टाइम्सले पनि यस घटनालाई जोड्दै बाइडेन प्रशासनले शुक्रवारदेखि धेरै चिनियाँ उड्डयन र प्रविधिहरूलाई यसको केही प्रविधिको बिक्रीमा रोक लगाएको छ ।
वाणिज्य विभागले इजाजतपत्र कारोबारमा रोक लगाउँदै थप पाँच चिनियाँ कम्पनी र एउटा अनुसन्धान संस्थानलाई प्रतिबन्धको सूचीमा समावेश गरेको छ । उद्योग र सुरक्षाका लागि वाणिज्य उपसचिव एलन एस्टेभेजले यो कारबाहीले चिनियाँ सरकारले निगरानीको लागि उच्च उचाइ बेलुनहरू प्रयोग गरेकामा प्रतिक्रिया दिएको बताएका छन् ।
आजको कारबाहीले अमेरिकाको राष्ट्रिय सुरक्षा र सार्वभौमसत्तामा हानि पुर्याउने संस्थाहरूलाई अमेरिकी प्रविधिको पहुँचबाट काटिनेछ भन्ने स्पष्ट शब्दमा भनिएको छ । रासस
