प्रस, वीरगंज, २६ माघ/
वीरगंजको नारायणी रङ्गशालामा हिजोदेखि सञ्चालित नेत्रहीन क्रिकेट प्रतियोगिता अन्तर्गत आज दोस्रो दिन दुईवटा खेल सम्पन्न भएको छ ।
पहिलो खेलमा गोर्खा र प्रदेश नं. १ बीच भएको खेलमा गोर्खा विजयी भएको छ । टस जितेको प्रदेश नं. १ ले गोर्खालाई ब्याटिड्ढो निम्ता दिएको थियो । निर्धारित १५ ओभरको खेलमा गोर्खाले १ विकेटको क्षतिमा १७७ रन बनायो । प्रत्युत्तरमा प्रदेश नं. १ ले निर्धारित ओभरमा १५९ रन मात्र बनाउने सक्यो र पराजित भयो । पहिलो खेलमा गोर्खाकी विनिता पुनले १०२ रन बनाएर प्लेयर अफ द म्याचको उपाधि जितिन् ।
दोस्रो खेलमा टस जितेर ब्याटिङ गरेको चितवनले निर्धारित ओभरमा १४४ रन बनायो । प्रत्युत्तरमा १२ ओभरमैं मधेस प्रदेशले २ विकेटको नोक्सानीमा लक्ष्य हासिल गर्याे ।
दोस्रो खेलमा १ विकेटसहित ६० रन बनाएकी मनकेसी चौधरीले प्लेयर अफ द म्याचको उपाधि पाइन् ।
