नितेश कर्ण, वीरगंज, २१ माघ/
कृषि औजार कारखानाका केही मेशिनहरू सञ्चालनमा आएको महावीर पुनले बताएका छन् ।
विगत ३० वर्षदेखि नचलेका दुर्ईवटा लेथ मेशिन, एउटा मिलिङ मेशिन, एउटा स्क्रू डाई प्रेस मेशिन, न्युमेटिक डाई प्रेस, पञ्चिङ मेशिन र ओभरहेड क्रेन मेशिन बनाएर सञ्चालनमा आएको उनले बताए ।
पुनले कारखानाका अधिकांश मेशिन मरम्मत गरेर सञ्चालनमा ल्याउन सकिने बताए । त्यसका लागि इन्जिनीयर र टेक्निसियनहरूको टीम लागिपरेको बताए । केही मेशिनहरू मरम्मत गर्दा त्यसले काम गरिरहेको बताए ।
उनका अनुसार कृषि औजारका मेशिनहरू यसभन्दा पहिले इन्जिनीयर र टेक्निसियनले कहिल्यै नदेखेको हुनाले मेशिन खोलेर अध्ययन गरी सञ्चालनमा ल्याउने प्रयास गरिरहेको बताए । उनले तीस वर्षसम्म नचलेको तेलबाट चल्ने फलाम तताउने भट्टीहरू बलेको र फलामलाई रातो हुने गरी तताइएको बताए । तातो फलामलाई पिट्ने पावर ह्यामर पनि चलेको उनले बताए ।
फलामको पातालाई काट्ने डाई प्रेस मेशिनले पनि काम गरेको बताए । त्यो पातालाई अर्काे डाई प्रेस मेशिनले थिचेर बेल्चा बनाइएको बताए । साथै मिलिङ, रड काट्ने मेशिनसहित अन्य मेशिन पनि मरम्मतपछि चल्न थालेको बताए । पुनले दुर्ई हप्तापछि केही औजारको नमूना बनाउन सकिने र बनेको खण्डमा ती औजारहरू किसानलाई उपलब्ध गराउने बताए ।
