प्रस, वीरगंज, १८ फागुन/
वीरगंज महानगरपालिकाको आयोजना र जिल्ला खेलकूद विकास समिति, पर्साको प्राविधिक सहयोगमा महानगर विद्यालयस्तरीय राष्ट्रपति रनिङ शिल्ड खेलकूद प्रतियोगिता सम्पन्न भएको छ ।
नारायणी रङ्गशालामा बुधवारदेखि शुरू भएको एथलेटिक्स र कबड्डी खेल सम्पन्न भएको छ । आज भएको आठ सय मिटर दौड प्रतियोगितामा पुरुषतर्पm नृसिंह माविका सुरज पटेल प्रथम, पाँच हजार मिटरमा जिएचपी माविका अमरेन्द्र पटेल प्रथम र सय मिटर दौडमा पुरुषतर्पm हरि खेतान बहुमुखी क्याम्पसका पुष्पराज यादव, चार सय मिटर दौडमा पुरुषतर्पm बिपिसीका आलोककुमार गुप्ता प्रथम भएका छन् । यसैगरी, लङ्जम्पमा सिद्धार्थ माविका गगनराज रजक प्रथम भएका थिए ।
यसैगरी, महिलातर्पm आठ सय मिटर दौडमा मोर्डन स्कूल परवानीपुरकी रोशनी कुशवाहा, तीन हजार मिटरमा सिद्धार्थ माविकी कुलसुम खातुन, सय मिटरमा सिद्धार्थ माविकी प्रीतिकुमारी पटेल, चार सय मिटरमा मोडर्न स्कूलकी सिर्जना शर्मा, लङजम्पमा नृसिंह माविकी शिवानी यादव प्रथम भएको प्रतियोगिताका मुख्य निर्णायक विशेश्वर पटेलले बताए ।
प्रतियोगितामा एथलेटिक्स, भलिबल, कबड्डी, तेक्वान्दो, कराँते प्रतियोगिता गराइएको थियो । जिल्लास्तरीय राष्ट्रपति रनिङ शिल्ड खेलकूद प्रतियोगिताको चैत महीनाको पहिलो सातामा हुने जिल्ला खेलकूद विकास समिति, पर्साका कार्यालय प्रमुख एवं तेक्वान्दो प्रशिक्ष्Fक विजय शाह ठकुरीले बताएका छन् ।
