प्रस, परवानीपुर, ९ माघ/
वीरगंज युवा च्याम्प्स क्लब वीरगंज मुर्लीद्वारा वीरगंजमा आयोजित चौथो कलेजस्तरीय टि–२० नकआउट क्रिकेट प्रतियोगिताको फाइनल भिडन्त वीरगंजको नेशनल इन्फोटेक कलेज र ग्लोबल बिजनेश कलेजबीच हुने भएको छ ।
नारायणी रङ्गशालामा भइरहेको प्रतियोगितको आज सम्पन्न दोस्रो सेमिफाइनल खेलमा नेशनल इन्फोटेकले सिद्धार्थ इन्टरनेशनल कलेजलाई पराजित गर्दै फाइनल यात्रा तय गरेको हो । टस जिती पहिले ब्याटिङ रोजेको नेशनलले निर्धारित २० ओभरको खेलमा १९.४ ओभरमा सबै विकेट गुमाउँदै १३७ रन बनाएको थियो । १३८ रनको विजयी लक्ष्य लिएर मैदानमा उत्रेको सिद्धार्थ इन्टरनेशनल १८.२ ओभरमा सबै विकेट गुमाउँदै जम्मा ८२ रनमा समेटिएको थियो ।
नेशनल इन्फोटेकले ५५ रनले खेल जितेको थियो । उक्त खेलमा सिद्धार्थ इन्टरनेशनलका असबाब अन्सारी म्यान अफ दि म्याच घोषित भएका थिए । यस अघि ग्लोबल बिजनेश कलेज फाइनलमा पुगिसकेको छ ।
वीरगंजका १६ वटा कलेजको सहभागिता रहेको प्रतियोतिगाको फाइनल माघ ११ गते बिहान ११ बजेदेखि हुने आयोजक क्लबका अध्यक्ष रमिज राजा अन्सारीले जानकारी गराएका छन् ।
