प्रस, वीरगंज, ७ माघ/
लायन्स क्लब इन्टरनेशनल डिस्ट्रिक्ट ३२५ एसको तेस्रो क्याबिनेट मिटिङ वीरगंजमा सम्पन्न भएको छ ।
वीरगंजमा भएको तेस्रो क्याबिनेट मिटिङ तथा सम्मान कार्यक्रममा डिस्ट्रिक्ट ३२५ एसका गर्भनर लायन अमरबहादुर श्रेष्ठले देशका विभिन्न स्थानमा लायन्सका लिडर तथा अन्य विभिन्न क्लबहरूको गतिविधिको चर्चा गरेका थिए ।
गर्भनर श्रेष्ठले आफ्नो कार्यकालमा प्रत्यक्ष तथा अप्रत्यक्षरूपमा लायन्सको अभियानमा सहयोग गर्ने एवं निस्स्वार्थ रूपमा सेवा गर्नेहरूलाई पुरस्कृत गर्दै सधैं लायन्सको अभियानमा लागिरहने बताए ।
कार्यक्रममा प्रमुख अतिथि लायन्स क्लब इन्टरनेशनलका आइडी इन्डोर्सी बालकृष्ण बुर्लाकोटीले डिस्ट्रिक्ट गभर्नर श्रेष्ठको सफल नेतृत्वले नेपालका सबै लायन्सलाई गौरव महसूस भएको बताउँदै सर्भिस, फेलोशिप र लिडरशिपमा धेरै कार्य सम्पादन गर्न सफल डिस्ट्रिक्ट ३२५ एसले उत्साहका साथ काम गरिरहेकामा गभर्नरको प्रशंसा पनि गरे ।
कार्यक्रममा लायन्स क्लब इन्टरनेशनल डिस्ट्रिक्ट ३२५ एस अन्तर्गत रहेका क्लबहरूले गरेका कामको उत्कृष्टताका आधारमा क्लबका पदाधिकारी एवं उत्कृष्ट क्याबिनेट अफिसरहरूलाई सम्मान गरिएको थियो ।
कार्यक्रममा लायन्स क्लब इन्टरनेशनलका पूर्व चेयरपर्सन रमेश अग्रवाल, पूर्व गभर्नरद्वय डा. आरपी खेतान, शम्भु नकर्मी, प्रथम भाइस डिस्ट्रिक्ट गभर्नर डिएन अग्रवाल, द्वितीय भाइस डिस्ट्रिक्ट गभर्नर तासी डोल्मा तुङबाहाम्फेलगायतले मन्तव्य व्यक्त गरेका थिए ।
कार्यक्रमको सहजीकरण डिस्ट्रिक्ट क्याबिनेट सेक्रेटरी बालकुमार पाण्डेले गरेका थिए ।
