प्रस, रक्सौल, ३० पुस/
सीमावर्ती रक्सौल नगरपरिषद्मा नवनिर्वाचित सभापति, उपसभापति र पार्षद्हरूको शपथग्रहण कार्यक्रम सम्पन्न भएको छ ।
रक्सौल अनुमण्डल कार्यालय परिसरमा शुक्रवार आयोजित कार्यक्रममा नगरपरिषद्को सभापति पदमा निर्वाचित धुरपति देवी, उपसभापति पुष्पा देवीलगायतका पदाधिकारीहरूलाई जिल्ला समाहर्ता पवनकुमार सिन्हाले शपथग्रहण गराएका थिए ।
कार्यक्रममा एसडिएम आरती, नगरकार्यपालक पदाधिकारी मनीष कुमार, अवर निबन्धन पदाधिकारी सन्तोष कुमार, बिडिओ सन्दीप सौरभ, सिओ विजय कुमारलगायतको सहभागिता थियो ।
नवनिर्वाचित वडा पार्षद् सुगन्ती देवी, पन्ना देवी, रञ्जीत श्रीवास्तव, मो अब्बास, रवि गुप्ता, कुन्दन सिंह, घनश्याम प्रसाद, जीतेन्द्र दत्ता, ओमकुमार साह, वीरेन्द्र प्रसाद, आशा देवी, कान्ति देवी, शायरा खातुन, नीलाक्षी श्रीवास्तव, अनुरागिनी देवी, आशा देवी, दीपक कुमार, रम्भा देवी, अन्तिमा देवी, सुगन्धी देवी, सोनुकमार गुप्ता, रविता देवी, सीमा गुप्ता, मुकेश कुमार र डिम्पल चौरसियालाई कार्यक्रममा शपथग्रहण गराइएको थियो ।
