प्रस, रक्सौल, २८ पुस/
लायन्स क्लब अफ रक्सौलले काँवरियाहरूलाई कम्बल, औषधि वितरण गरेको छ ।
अङ्ग्रेजी नयाँ वर्ष मकर सङ्क्रान्तिको अवसरमा रक्सौल, भरतमहीमा एकीकृत भएका काँवरियाहरूलाई बुधवार राति कम्बल र औषधि वितरण गरेको लायन्स क्लब अफ रक्सौलका अध्यक्ष शम्भुप्रसाद चौरसियाले बताए ।
भारत, बिहारको अरेराजमा उनीहरू प्रत्येक वर्ष काँवर लिएर जाने र श्रीपञ्चमीको दिन आआफ्नो गाउँनजीकका शिवालयमा जलार्पण गर्छन् ।
सोही परियोजनको लागि अरेराज गइरहेका काँवरियाहरूलाई लायन्स क्लबले चीसोबाट जोगिन कम्बल र आवश्यक औषधि उपलब्ध गराएको हो । स्थानीय सन्तोषकुमार चौरसिया, लायन्सका नारायण रूँगटा, पवनकिशोर कुशवाहा, महम्मद निजामुद्दीन, रमेश कुमार, राजुकुमार गुप्ता, गणेश धनोठिया, पङ्कज वर्णवाल, हेमन्त अग्रवाल, डा राजीवरञ्जन कुमारलगायतले कम्बल र औषधि वितरण गरेका थिए ।
