प्रस, पंचगावाँ, २९ मङ्सिर/
पटेर्वासुगौली गाउँपालिका कार्यालयका प्रमुख प्रशासकीय अधिकृत सन्देशकुमार यादवले बिहीवार सूचना जारी गरी शुक्रवार गापामा शोक मनाउनको लागि सार्वजनिक बिदा दिएको बताएका छन्।
आज सोसम्बन्धी सूचना जारी गर्दै उनले महोत्तरी जिल्ला, सोनमा गापा–६ सुन्दरपुर निवासी पटेर्वासुगौली गापा अन्तर्गत वडा नं ५ को स्वास्थ्य चौकी निचुटामा कार्यरत अहेब उदयकुमार साहको कुष्ठरोगसम्बन्धी तालीम लिन धनुषाको लालगढ अस्पताल जाने क्रममा अज्ञात गाडीले निजको मोटरसाइकललाई ठक्कर दिंदा उनको मृत्यु भएकोमा पुस १ गते शुक्रवार निजको शोकमा सार्वजनिक बिदा दिएको बताएका छन्। उनले शोकाकुल परिवारजनमा समवेदना प्रकट गर्दै यस घडीमा धैर्यधारण गर्न आग्रह गरेका छन्।
