प्रस, वीरगंज, १५ मङ्सिर/
वीरगंजमा बिहीवार दुईवटा संस्थाले आयोजना गरेको रक्तदान कार्यक्रममा दुईजना महिलासहित ६९ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
वीरगंजस्थित भारतीय महावाणिज्य दूतावासको कार्यालयले आयोजना गरेको कार्यक्रममा अरुण चौहान, मनीष कुमार, मनोज मिश्र, लोकेन्द्र सिंह, नवजीत गोसाईं, ग्यासु मियाँ देवान, राजकुमार यादव, अरविन्द सिंहलगायत १९ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख पाण्डेले बताए ।
यसैगरी, वीरगंजको घण्टाघरमा जनमत पार्टीले आयोजना गरेको रक्तदान कार्यक्रममा दुईजना महिलासहित ५० जनाले रक्तदान गरेको रक्तसञ्चार केन्द्र, वीरगंजका प्राविधिक जीतेन्द्र कुशवाहाले बताए ।
शोभा कुशवाहा, सन्तोषी कुमारी, नरेन्द्र कुशवाहा, अलि असगर अन्सारी, भूषण कुमार, उमेशराउत कुर्मी, प्रमोद साह, सुशील सर्राफ, बिन्देश्वर साह, विवेक यादव, दीपक यादव, मानबहादुर नेपाली, शिवराज चौधरी, रोशन थापालगायतले रक्तदान गरेको प्रFविधिक कुशवाहाले बताए ।
