प्रस, रक्सौल, २४ कात्तिक/
कात्तिक पूर्णिमाको अवसरमा भेलाही पञ्चायतको मुसहर्वा उत्तरवाहिनी नदीतटनजीक अन्तर्राष्ट्रिय कुश्ती प्रतियोगिता भएको छ ।
बिहार विधान पार्षद् सदस्य महेश्वर सिंह, जदयु प्रदेश सचिव कपिलदेवप्रसादलगायतले संयुक्तरूपमा कुश्ती प्रतियोगिताको उद्घाटन गरेका थिए । कुश्तीमा भारतको बिहार, उत्तर प्रदेश र नेपालका पहलवानहरू सहभागी थिए । पहलवानहरू जयराम, बृजेश, मनोज, दीपु, रञ्जीत, सन्दीप, रञ्जन, महेश, बागडले कुश्तीका दाउपेंचबाट प्रतिद्वन्द्वीलाई पराजित गरेका थिए ।
कुश्तीमा विजयी, उपविजेतालाई सम्मानित गरिएको थियो । कार्यक्रममा पत्रकार विपिन कुशवाहा, मुखिया सुमन पटेल, एमएलसी प्रतिनिधि मनोज सिंह, जदयु जिल्ला अध्यक्ष सुनील सिंह, जदयु प्रवक्ता कुणाल पटेललगायतको सहभागिता थियो ।
