सोल, १२ असोज/सिन्ह्वा
दक्षिण कोरियामा कोरोना भाइरसबाट थप ३६ हजारभन्दा बढी सङ्क्रमित भएका छन् । सरकारी अधिकारीले मङ्गलवार दिएको जानकारी अनुसार पछिल्लो एक दिनमा थप ३६,१५९ सङ्क्रमित भएका हुन् ।
योसँगै दक्षिण कोरियामा अहिलेसम्म कुल सङ्क्रमितको सङ्ख्या दुर्ई करोड ४७ लाख नौ हजार ७८९ पुगेको स्वास्थ्य अधिकारीहरूले जनाएका छन् । अघिल्लो दिन ३९,४२५ सङ्क्रमित भएका थिए । अघिल्लो हप्ता औसतमा दैनिक सङ्क्रमितको सङ्ख्या २९,५६९ रहेको थियो ।
अहिले सङ्क्रमित अवस्थामैं रहेकामध्ये ३७५ जना गम्भीर अवस्थामा छन् । यो सङ्ख्या भने अघिल्लो दिनभन्दा २६ कम हो । दक्षिण कोरियामा कोरोनाका कारण पछिल्लो एक दिनमा ४६ जनाको मृत्यु भएको छ । योसँगै कोरियामा कोरोनाका कारण कुल मृतकको सङ्ख्या २८,३१८ पुगेको छ ।
विश्वका धेरै देशमा कोरोना भाइरसको महामारी अत्यन्त न्यून भइसक्दासमेत दक्षिण कोरियामा भने फैलिइरहेको छ । महामारी शुरू भएका बेला राम्ररी महामारी नियन्त्रण गरेको दक्षिण कोरिया अहिलेसम्म पूर्ण नियन्त्रण गर्न असफल भएको छ । रासस
