प्रस, वीरगंज, २३ भदौ/
विश्वकर्मा पूजाको अवसरमा नारायणी सिमेन्ट उद्योग प्रा.लि. लिपनीमाल, बारामा रक्तदान कार्यक्रम सम्पन्न भएको छ ।
प्रत्येक वर्ष विश्वकर्मा पूजाको अवसरमा सो सिमेन्ट उद्योगले रक्तदान कार्यक्रम आयोजना गर्दै आएको र बिहीवार आयोजित रक्तदान कार्यक्रममा २६ जनाले रक्तदान गरेका रक्तसञ्चार केन्द्र वीरगंजका प्रFविधिक प्रमुख सौरभराज पाण्डेले बताए ।
उनले दिलीपसिंह सेखावत, चित्तरञ्जन ठाकुर, बलराम यादव, सुदर्शन सापकोटा, पप्पु झा, अनिल यादव, शक्तिकुमार महतो, मेघराजप्रसाद चौधरी, सरोजकुमार दहाललगायतले रक्तदान गरेको बताए ।
कार्यक्रममा उद्योगका महाप्रबन्धक उमेशचन्द्र ठाकुर, परवानीपुर गाउँपालिकाका अध्यक्ष रामक्षत्री पटेल, पुर्व वडाध्यक्ष गजेन्द्र पटेललगायतको सहभागिता थियो ।
