प्रमोद यादव, पंचगावाँ, १६ वैशाख/
पर्साको पटेर्वासुगौली गाउँँपालिका कार्यालयको सहयोगमा र गादीमाई आधारभूत विद्यालयको आयोजनामा शैक्षिकसत्र २०७९ भर्ना अभियान कार्यक्रम शुरू भएको छ । सबै बालबालिकालाई विद्यालय पठाऔं र शिक्षा प्राप्त गर्ने अधिकार सुनिश्चित गरौं मूल नाराका साथ आज विद्यार्थी, शिक्षक, शिक्षिका, विद्यालय व्यवस्थापन समितिलगायतको उपस्थिति थियो ।
कार्यक्रममा बालबालिकाहरूले विद्यार्थी भर्ना अभियान २०७९ सफल पारौं, घरघरमा शिक्षा प्रदान गरौं, बालबालिकालाई शिक्षाबाट वञ्चित नगरौं, सबै बालबालिकालाई विद्यालय पठाऔं, नेपाललाई शिक्षित बनाऔं, सबै बालबालिकालाई विद्यालय पु¥याऔंलगायत नारा लेखिएका प्लेकार्ड बोकेर नगरपरिक्रमा गरिएको थियो ।
कार्यक्रममा गापाका प्रमुख प्रशासकीय अधिकृत सन्देशकुमार यादव र स्वास्थ्य शाखा प्रमुख भुजेन्द्रप्रसाद यादव, शिक्षा शाखा प्रमुख शम्भु साहलगायतले मन्तव्य राखेका थिए ।
विद्यालय व्यवस्थापन समितिका अध्यक्ष नीलम देवीको अध्यक्ष्Fतामा भएको कार्यक्रममा गादीमाई आधारभूत विद्यालयका शिक्षक चन्द्रकली देवी, कञ्चन कुमारी, प्रमोद प्रसादलगायतको सहभागिता थियो ।
