राजेश केशरीवाल, रक्सौल, १५ वैशाख/
रक्सौलनजीक आदापुरमा दुईजना युवकको हत्या भएको छ । आदापुरको सिरसिवा कला गाउँनजीकको खेतमा युवकहरूको शव हत्या गरिएको अवस्थामा प्रहरीले बरामद गरेको हो ।
प्रहरीले हत्या गरिएका युवकमा भरत यादव र नवल यादव रहेको पुष्टि गरेको छ । दुवैजनाको निर्मम हत्या गरिएको छ ।
यसबारे अनुसन्धान भइरहेको प्रहरीले जनाएको छ । हत्या भएकामध्ये एकजना युवकविरुद्ध प्रहरीमा आपराधिक गतिविधि गरेको उजुरी परेकोले हत्या आपराधिक समूहबाट भएको अनुमान गरिएको छ ।
तस्करीमा संलग्नबीचको मनमुटावमा हत्या भएको प्रहरीले प्रFरम्भिक अनुमान गरेको छ ।
