बारामा कराँते खेलाडीको सम्मान

प्रस, वीरगंज १७ चैत/

बारा, फेटा गाउँपालिका–१ निवासी जुगीली दासले भारतको कोलकातामा भएको कराँते खेलमा तेस्रो स्थान हासिल गरेपछि आज स्थानीयहरूले उनको भव्य स्वागत गरेका छन् ।

नेशनल ओपेन क्योकुसिन कराँते च्याम्पियनसीप २०२२ प्रतियोगितामा दासले तेस्रो स्थान प्राप्त गरेपछि  गाउँलेहरूले खुशीयाली मनाएका हुन् ।

कोलकाताको खडगपुरमा भएको तीन दिने प्रतियोगितामा भारत, नेपाल, पाकिस्तान तथा बङ्गलादेशबाट खेलाडीहरू सहभागी भएको प्रशिक्षक राजकुमार महतोले जानकारी दिएका छन् ।