रक्सौलमा रेलबाट कालो मरिच बरामद

प्रस, रक्सौल, १३ माघ/

बिहार, रक्सौल रेलवे स्टेशनबाट रेलवे पुलिस र जिआरपीले तीन क्वीन्टल पचास किलो कालो मरिच बरामद गरेको छ ।

बिहीवार रक्सौल आरपिएफ थाना प्रभारी ऋतुराज कश्यप नेतृत्वको टोलीले चेकजाँच गर्दा नरकटियागंज–रक्सौल जाने ट्रेनमा बोरामा राखिएका तस्करीको कालो मरिच बरामद गरेको
हो । सो मरिच कसैले पनि आफ्नो भएको स्वीकारेनन् ।

बरामद मरिचको भारु १ लाख ७५ हजार पर्ने प्रहरीले जनाएको छ । मरिच आवश्यक कारबाईका लागि रक्सौल कस्टमको जिम्मा लगाएको रेल थाना प्रभारी ऋतुराजले बताए ।