प्रस, सेढवा, ८ माघ/
पर्सा जिल्लाको चारवटा प्रहरी चौकीको भवन उद्घाटन भएको छ । जिल्ला प्रहरी कार्यालय, पर्साका प्रहरी उपरीक्षक रमेशकुमार बस्नेतले शुक्रवार चारवटा प्रहरी चौकीको एकैदिन उद्घाटन गरेका हुन् ।
प्रहरी चौकी सबैठवा, पाँडेपुर, महादेवपट्टी र प्रहरी चौकी सुवर्णपुरको प्रउ बस्नेतले हिजो उद्घाटन गरेका थिए । प्रदेश सरकारको एक करोड चौवालीस लाख लागतमा चारवटै चौकीको निर्माण सम्पन्न भएको हो ।
कार्यक्रममा प्रहरी नायब उपरीक्षक प्रह्लाद कार्की, जीराभवानी गापाकी उपप्रमुख उषादेवी थरूनी, वडाध्यक्ष शेख नुमान आजमलगायत विभिन्न राजनीतिक दल, स्थानीयवासीको सहभागिता थियो ।
