जेनेभा, २९ पुस/एएनआई)ः
कोभिड–१९ को ओमिक्रोन भेरिएन्ट विशेषगरी खोप नलगाएका व्यक्तिहरूका लागि खतरनाक भाइरस भएको विश्व स्वास्थ्य सङ्गठन (डब्ल्यूएचओ) का महानिर्देशक टेड्रोस अधानोम गेब्रेयसले बुधवार उल्लेख गरेका छन् ।
यद्यपि ओमिक्रोन डेल्टाभन्दा कम गम्भीर भाइरस हो तर खोप नलगाएकालाई भने यो खतरनाक नै हुन्छ, टेड्रोसले कोभिड–१९ बारे पत्रकार सम्मेलनमा उक्त कुरा बताएका छन् । उनले यसको सङ्क्रमण दर तीव्र रहेको र सबैतिर फैलिएकोले सतर्क रहन आग्रह गरेका छन् ।
डब्ल्युएचओ प्रमुखले अफ्रिकाको कोभिड खोपको दर उल्लेख गर्दै भने– ूअफ्रिकामा ८५ प्रतिशतभन्दा बढी मानिसले खोपको एक खुराक प्राप्त गर्न बाँकी छ । हामीले यो अन्तर नघटाएसम्म महामारीको तीव्र चरण समाप्त गर्न सक्दैनौं ।
हामी प्रगति गर्दैछौं, डिसेम्बरमा कोभ्याक्स अन्तर्गत नोभेम्बरमा पठाइएको डोजको सङ्ख्या दोब्बरभन्दा बढी पठाउँछौं र आगामी दिनमा एक अर्ब खोप डोज पठाउने प्रयास गर्छाैं–उनले
भने ।
उनले गत वर्ष हामीले भोगेका केही आपूर्ति अवरोधहरू अहिले सहज हुन थालेको तर यस वर्षको मध्यसम्म प्रत्येक देशको ७० प्रतिशत जनसङ्ख्यालाई खोप लगाउने लक्ष्यमा पुग्न अझै लामो यात्रा गर्न बाँकी रहेको उल्लेख गरेका छन् । ९० देश अझै ४० प्रतिशत लक्ष्यसम्म पुग्न सकेका छैनन् र तीमध्ये ३६ देशले आफ्नो जनसङ्ख्याको १० प्रतिशतभन्दा कम खोप लगाएका छन्–उनले बताए ।
“डब्लुएचओ र हाम्रा साझेदारहरूले यी देशहरूलाई नेतृत्व र समन्वयमा, आपूर्ति दृश्यताको कमी, प्रदान गरिएका खोपहरूको छोटो शेल्फ–लाइफ, सीमित कोल्ड चेन क्षमता, खोप आत्मविश्वास, स्वास्थ्यकर्मीको अभाव र प्रतिस्पर्धी प्राथमिकताहरूमा सामना गर्ने अवरोधहरू हटाउन सक्रियरूपमा समर्थन गरिरहेका छन्”–विश्व स्वास्थ्य सङ्गठनका प्रमुखले बताएका
छन्।
