प्रस, परवानीपुर, ८ पुस/
दिल्ली पब्लिक स्कूल, वीरगंजले प्रत्येक वर्ष आयोजना गर्ने सिजी एडुकेशन कप फूटबल प्रतियोगिता बिहीवारदेखि शुरू भएको छ । डिपिएस परिसरमा रहेको खेल मैदानमा शुरू भएको प्रतियोगिताको उद्घाटन चण्डीप्रसाद गण वीरगंजका प्रमुख सेनानी मनोज कार्कीले गरेका थिए ।
उद्घाटन खेलमा ज्ञानदालाई एक गोलका विरुद्ध ८ गोल गरी डिपिएस विजयी भयो भने खेलको ‘म्यान अफ दी म्याच’ डिपिएसबाट चार गोल गर्ने प्रनिश श्रेष्ठ घोषित भए ।
पर्साका पाँच र बाराका पाँच गरी १० वटा टीम सहभागी रहेको प्रतियोतिगाको उद्घाटनमा गीत, नृत्य, तेक्वान्दो खेलको प्रदर्शन गरिएको थियो । विद्यालय व्यवस्थापन समितिका अध्यक्षभिखमचन्द अग्रवालको अध्यक्षतामा भएको कार्यक्रममा सिजी एडुकेशनको बियुएच गर्ली अग्रवाल, एकेडेमिक भूषण गुरुङ, प्याब्सन, पर्साका अध्यक्ष पुरन प्रधान, एन प्याब्सन, पर्साका अध्यक्ष रामराज श्रेष्ठलगायतको सहभागिता रहेको विद्यालयका प्रधानाध्याध्पाक जिएस चौधरीले जानकारी गराए ।
