प्रस, वीरगंज, २७ कात्तिक/
विन्ध्यवासिनी गाउँपालिकामा आयोजित विशाल दङ्गल कुश्ती प्रतियोगिता सम्पन्न भएको छ ।
छठ पर्वको अवसरमा आयोजित कुश्ती प्रतियोगितामा ख्यातिप्राप्त कुश्ती खेलाडीहरू थापा समूहका देउवा थापा, वसन्त थापा, काला चिका, सुमित साहलगायत नाम चलेका पहलवानहरूको सहभागिता थियो ।
प्रतियोगितामा कार्यक्रममा वीरगंज महानगरपालिकाका प्रमुख विजयकुमार सरावगी, जनता समाजवादी पार्टी पर्साका अध्यक्ष रामनरेशप्रसाद यादव, प्रदेशसभा सदस्य करिमा बेगम, जसपा मधेस प्रदेश सदस्य गौरीशङ्कर साह, मेला अध्यक्ष वीरबहादुर साहलगायतको सहभागिता थियो ।
