छठ व्रतालुहरूलाई सामग्री वितरण

प्रस, वीरगंज, २१ कात्तिक/

जगरनाथपुर गाउँपालिकाको मसिहानी टोलमा छठ व्रतालुहरूलाई साडी र पूजन सामग्री वितरण गरिएको छ।

विभिन्न सङ्घसंस्थाको आयोजनामा आज गापाको ५ वटै वडामा ५ हजार ५ सय महिला व्रतालुलाई साडी वितरण शुरू गरिएको गापा अध्यक्ष जालीम मियाँले बताए। ५ वटै वडामा सो परिमाणमा साडी वितरण गर्ने र पूजन सामग्री उपलब्ध गराउने लक्ष्यसहित आजदेखि अभियान शुरू गरिएको र दुई दिनभित्रै सबैलाई साडीलगायत सामग्री उपलब्ध गराउने अध्यक्ष मियाँले बताए।