प्रस, वीरगंज, १ कात्तिक/
गत असोज १३ गते वीरगंज महानगरपालिका–१५ निवासी रामलखन साहको ना.१९प ६३५५ नम्बरको मोटरसाइकल चोरी भएको थियो । चोरी भएको मोटरसाइकल आज सोमवार नम्बर प्लेट परिवर्तन गरी चलाइरहेका दुईजना मानिसलाई प्रहरीले चेकजाँचको क्रममा पक्राउ गरेको जानकारी गराएको छ ।
पक्राउ पर्नेमा बारा जिल्ला कलैया उपमहानगरपालिका–३ निवासी २३ वर्षीय मोहमद आशिक र अनिष हवारी रहेका छन् ।
उनीहरूले मोटरसाइकलको नम्बर प्लेट परिवर्तन गरी ना.१७प ८३१८ नम्बर प्रयोगमा ल्याएका थिए । चेकजाँच गर्ने क्रममा उनीहरूसँग आवश्यक कागजात नरहेको र पछि मोटरसाइकल चोरीको भएको थाहा भएपछि उनीहरूलाई पक्राउ गरी आवश्यक कारबाईका लागि जिप्रका पर्सा पठाइएको बारा प्रहरीले जनाएको छ ।
