नयाँ दिल्ली ३१ असोज/सिन्हवा
भारतको दक्षिणी केरला राज्यमा शनिवारको अविरल वर्षा र बाढीका कारण कम्तीमा पनि १८ जनाको ज्यान गएको छ । अरू दर्जनौं व्यक्ति बेपत्ता भएका छन् । बाढीका कारण कतिपय स्थानमा भीषण पहिरो गएको छ । पहिरोमा परेर दर्जनौं व्यक्ति बेपत्ता भएका बताइएको छ । दक्षिणी राज्य केरलाका इदुकी र कोट्याम जिल्लामा बाढी र पहिरोको प्रकोप देखा परेको प्रहरीले जनाएको छ ।
कोट्याम जिल्लामा बाढीले बढी क्षति पु¥याएको यहाँको स्थानीय पत्रिका हिन्दुस्तान टाइम्सले जनाएको छ । बाढीमा परेर मृत्यु भएका र हराएकामध्ये अधिकांश सो जिल्लाका रहेका छन् । यहाँ आइतवार बिहानसम्म पनि वर्षा जारी रहेको छ ।
बाढीका कारण कतिपय स्थानीय सडक अवरुद्ध भएका छन् । मौसम विज्ञान विभागका अधिकारीहरूले आइतवार पनि वर्षा कायमै रहने बताएका छन् । रासस
