ट्याङ्करको ठक्करबाट एकजनाको मृत्यु

प्रस, वीरगंज, १५ भदौ/

वीरगंज महानगरपालिका–२५ बहुअरी चोकमा ट्याङ्करको ठक्करबाट मङ्गलवार एकजनाको मृत्यु भएको छ ।

पावरहाउस–सुक्खा बन्दरगाह सडकखण्ड अन्तर्गत बहुअरी चोकमा भारतीय ट्याङ्करले ठक्कर दिंदा बहुदरमाई नगरपालिका पिपरा निवासी लालबाबू साहको मृत्यु भएको प्रहरीले जनाएको छ।

ट्याङ्करको ठक्करबाट सख्त घाइते साहको घटनास्थलमैं केही क्षणपछि मृत्यु भएको थियो । ठक्कर दिने ट्याङ्करलाई प्रहरीले नियन्त्रणमा लिएको छ ।