चिरञ्जीवी सापकोटा, ठोरी, ९ भदौ/
अमृत युवा क्लबद्वारा ठोरीमा जारी नकआउट फूटबल प्रतियोगिता अन्तर्गत बुधवार भएको क्वार्टरफाइनल खेलमा आयोजक अमृत युवा क्लब ठोरी–२ लाई पराजित गर्दै विजयबस्ती फूटबल टीम सेमिफाइनलमा प्रवेश गरेको छ।
क्वार्टरफाइनलमा विजयबस्तीले आयोजक अमृत युवा क्लबलाई शून्यका विरुद्ध दुई गोलअन्तरले पराजित गरेको थियो। विजयबस्तीको तर्फबाट नवीनराज श्रेष्ठ र सौरभ लामाले एक/एक गोल गरेका थिए। लामा आजको खेलको ‘म्यान अफ दि म्याच’ घोषित भए।
बिहीवारको खेल वनशक्ति स्पोट्र्स क्लब ठोरी–२ र निर्मल समाज युवा क्लब ठोरी–४ बीच हुने आयोजक कमिटीले जनाएको छ।
