प्रस, वीरगंज, २ भदौ/
वीरगंजमा मङ्गलवार र बुधवार दुई दिन भएको रक्तदान कार्यक्रममा ६ जना महिलासहित ६२ जनाले रक्तदान गरेको रक्त सञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
बुधवार सामाजिक संस्था जिल्ला समन्वय समितिको वार्षिकोत्सवमा आयोजना गरिएको रक्तदान कार्यक्रममा बृजकिशोर पटेल, गोविन्द देवकोटा, जया साह, अनिता गिरी, सलोनी पटेल, शोभा यादव, मञ्जु यादव, लवकुशकुमार सिंहसमेत चारजना महिला र २० जना पुरुष गरी २४ जनाले रक्तदान गरेको प्राविधिक प्रमुख पाण्डेले बताए ।
यसैगरी, मङ्गलवार आइएमई इन्स्योरेन्स कम्पनीले माईस्थानमा गरेको रक्तदान कार्यक्रममा दुईजना महिलासहित ३८ जनाले रक्तदान गरेका थिए । रक्तदान गर्नेहरूमा पिङ्की सर्राफ, रविशङ्कर सर्राफ, शाहीद आलम, अब्दुल आलम, जालीम आलम, श्याम महतोलगायत रहेका थिए ।
