प्रस, वीरगंज, ३० साउन/
वीरगंजका दुई स्थान र बाराको एक स्थानमा गरी शनिवार तीन स्थानमा भएको रक्तदान कार्यक्रममा ९४ जनाले रक्तदान गरेका छन् ।
रक्त सञ्चार केन्द्र वीरगंजका प्रमुख उदयराज शर्माले प्रतीक दैनिकको ३५औं वार्षिकोत्सवमा ११ जना, नेपाल औषधि तथा बिक्री प्रतिनिधि सङ्घले माईस्थानमा गरेको रक्तदान कार्यक्रममा पाँचजना महिलासहित ७२ जना र रोट्र्याक्ट क्लब सिमराले पिलुवामा गरेको रक्तदान कार्यक्रममा एकजना महिलासहित ११ जनाले रक्तदान गरेको बताए ।
प्रतीक दैनिकको ३५औं वार्षिकोत्सवको अवसरमा आयोजित रक्तदान कार्यक्रममा धर्मेन्द्र चौरसिया, नितेश कर्ण, पुकार सुवेदी, भरत सहनी, अभिषेक पटेल, अजित भुजेल, हरिकान्त साह, राजेश मिश्र, राधेश्याम पटेल, बलिराम शुक्ल र अनुप तिवारीले रक्तदान गरेका थिए ।
यसैगरी, नेपाल औषधि तथा बिक्री प्रतिनिधि सङ्घको ५२औं वार्षिकोत्सवको अवसरमा आयोजित रक्तदान कार्यक्रममा विशाल गुप्ता, नीरज सिंह, नागेन्द्र गौरो, ज्योति चौहान, मालतीकुमारी चौधरी, सावन पटेल, रामबाबू ठाकुर, धीरज झालगायतले रक्तदान गरेको रक्त सञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
