प्रस, गरुडा, २७ साउन/
रौतहटको गरुडा नगरपालिका–५ महम्मदपुरका एकजना पुरुष खेतमा मृत अवस्थामा फेला परेका छन् । मङ्गलवार बिहान खेतमा धानबाली हेर्न गएका ४८ वर्षीय भाग्यनारायण यादव खाना खाने समयसम्म घर नफर्केपछि घरका मानिसहरूले खोजी गरेका थिए ।
यादवलाई खोज्दै जाँदा खेतमा मृत अवस्थामा फेला परेको आफन्तले जनाएका छन् । मृतक यादवका भाइ जयनारायण यादवका अनुसार मृतकको जीउमा कुनै दाग देखिएको छैन ।
मङ्गलवार बिहान पानी परिरहेको थियो । रातिदेखि नै परेको पानी बिहान करीब साढे एघार बजेसम्म परेको थियो ।
बेलाबेलामा चट्याङ परेको सुनिएकाले नजीकै चट्याङ परेको हुन सक्ने र सोही चट्याड्ढो आवाजले डराएर दाजुको मृत्यु भएको हुन सक्ने मृतकका भाइ जयनारायण यादवले अनुमान गरेका छन् ।
