नगरप्रमुखद्वारा विद्यालय उद्घाटन

प्रस, वीरगंज, २३ साउन/

वीरगंज महानगरका प्रमुख विजयकुमार सरावगीले माईस्थान विद्यापीठ माध्यमिक विद्यालयको नवनिर्मित भवनको शनिवार उद्घाटन गरेका छन् ।

महानगरस्तरीय बजेटबाट निर्माण भएको नवनिर्मित चारकोठे भवनको आज उद्घाटन गर्दै उनले विद्यालय भवनमा अर्को अधूरो रहेको तीन कोठे भवनको पनि तत्काल निर्माण गर्न प्रतिबद्धता जाहेर गरे ।

नवनिर्मित भवन रु ३६ लाख लागतमा बनेको हो ।

जग्गादाता परिवारका रवि टिबडेवालको अध्यक्षतामा भएको कार्यक्रममा विद्यार्थीहरूलाई छात्रवृत्तिसमेत वितरण गरिएको थियो ।