५९ कार्टुन स्याउ बरामद

प्रस, वीरगंज, २१ साउन/

जिल्ला प्रहरी कार्यालय, पर्साले बिहीवार बिहान ५९ कार्टुन स्याउ बरामद गरेको जनाएको छ ।

वीरगंज महानगर–१६ भुटनदेवी स्थित सडकखण्डमा १०/१५ जना पोके तस्करहरूले टाउकोमा स्याउ बोकेर भारततर्फ लैजाँदै गरेको अवस्थामा प्रहरी कार्यालय नगवाले स्याउ बरामद गरेको हो । प्रहरीलाई देखेपछि पोके तस्करहरू स्याउ छाडेर फरार भएका थिए । बरामद स्याउ २८ हजार मूल्यबराबरको रहेको र कारबाईको लागि वीरगंज भन्सार बुझाइएको जिप्रका, पर्साले जनाएको छ ।