प्रस, सिम्रौनगढ, १३ साउन/
पचरौता, बारा वार्ड नं–३ रामनगरमा भर्खर रोपिएको धानको खेतमा एकजना महिलाको शव फेला परेको छ । बुधवार बिहान ६ बजे टोलका बासिन्दाले खेतमा शव देखेपछि प्रहरीलाई खबर गरेका थिए ।
इलाका प्रहरी कार्यालय, सिम्रौनगढ बाट गएको प्रहरी टोलीले शव बुझी पोस्टमार्टमको लागि कलैया पठाएको इप्रका सिम्रौनगढका प्रहरी निरीक्षक दीपक सुवेदीले जानकारी दिएका छन् ।
आन्दाजी ४० वर्र्षीया महिलाको बायाँ हातमा उषादेवी लेखिएको छ ।
बुधवार साँझसम्म शवको सनाखत हुन सकेको छैन । घटनाबारे अनुसन्धान गर्न प्रदेश प्रहरी कार्यालय, जनकपुरबाट कुकुरसहित प्रहरी टोली घटनास्थलमा आइपुगेको प्रहरीले जनाएको छ ।
