प्रस, वीरगंज, ११ साउन/
पर्सा प्रहरीले वीरगंज महानगर–१५ लक्ष्मणवास्थित एउटा होटलबाट गएराति कटुवा पेस्तोलसहित तीनजना युवकलाई पक्राउ गरेको छ ।
जिप्रका, पर्साले सूचनाको आधारमा राति ९ः३० बजे होटलमा खानतलासी गर्दा वीरगंज महानगर–२५ श्रीसिया बस्ने २२ वर्षीय अनिल पटेलबाट कटुवा पेस्तोल बरामद भएको र निजसहित तीनजनालाई पक्राउ गरिएको बताएको छ । पक्राउ पर्नेहरुमा वीरगंज–२५ का २० वर्षीय रक्की पटेल र पोखरिया नपा–२ का २० वर्षीय विक्रान्ता पटेल रहेका छन् ।
उनीहरूबाट दुईवटा मोटरसाइकलसमेत बरामद भएको र हातहतियार खरखजानामा मुद्दा चलाइएको पर्सा प्रहरीले जानकारी गराएको छ ।
