९ जना महिलासहित ३० जनाद्वारा रक्तदान

प्रस, पर्सागढी, ८ साउन/

बकरीदको अवसरमा पर्सागढी नपा–४ मा शुक्रवार भएको रक्तदान कार्यक्रममा ९ जना महिलासहित ३० जनाले रक्तदान गरेका छन् ।

बकरीदको अवसरमा नेपाल रेडक्रस सोसाइटी पर्सागढी उपशाखाले रक्तदान कार्यक्रमको आयोजना गरेको थियो ।

रक्तदान कार्यक्रममा शेख सनाउल्लाह, शेख अख्तर, आरा खातुन, कुसुम खातुन, शेख मेराज, रोशन मियाँलगायतले रक्तदान गरेका थिए ।

उपशाखा अध्यक्ष महम्मद जिक्रुल्लाहको अध्यक्षतामा भएको कार्यक्रममा वडाध्यक्ष समसुद्दीन मियाँलगायतको सहभागिता थियो ।