दमासकस, ८ साउन/सिन्ह्वा
इजरायलले गएराति पनि सिरियामा आक्रमण गरेको छ । इजरायली सेनाले सिरियामाथि मिसाइल हमला गरेको सिरियाबाट प्राप्त भएको समाचारमा जनाइएको छ ।
इजरायलले सिरियाली शहर होम्समा हमला गरेको सिरियाली अधिकारीहरूले बताएका छन् । बुधवार मध्यरातिदेखि होम्स शहरमा इजरायलले मिसाइल हानेको उक्त समाचारमा जनाइएको छ ।
सिरियाली सैन्य अधिकारीहरूले इजरायलले गएको चार दिनदेखि यहाँ हमला गरेको छ । बुधवार राति र बिहीवार राति पनि इजरायली सेनाले सिरियाली शहर होम्स र उत्तरी शहर अलेपोमा हमला गरेको सिरियाली सरकारी समाचार समिति सानाले जनाएको छ ।
बुधवार जस्तै बिहीवार पनि मध्य सिरियाली शहर होम्सको क्वासेर क्षेत्रमा सो हमला केन्द्रित रहेको पाइएको छ । उक्त क्षेत्रमा सिरियाली सेनाले पनि प्रतिरक्षा गरेर मिसाइल प्रहार गरेको छ । त्यसबाट भएको हताहतको समाचार भने आएको छैन । रासस
