करेन्ट लागेर मजदूरको मृत्यु

प्रस, वीरगंज, ७ साउन/

वीरगंज महानगर–२४ स्थित मोहित फूड प्रोडक्ट प्रालिका मजदूरको करेन्ट लागेर मृत्यु भएको छ ।

सोयाबिन उत्पादन गर्ने सो कारखानामा कार्यरत जीराभवानी गाउँपालिका–३ सहजनपुर बस्ने ३५ वर्षीय पद्मदेव चौधरीको स्ट्यान्ड पङ्खामा करेन्ट लागेर मृत्यु भएको प्रहरीले जनाएको छ ।

सो पङ्खाको तार नाङ्गो भएको र जडान गर्ने क्रममा करेन्ट लागेर चौधरीको मृत्यु भएको प्रहरीले बताएको छ ।