प्रस, रक्सौल, १ साउन/
भारत, बिहारको पूर्वी चम्पारणबाट नक्कली सिबिआई एसपी पक्राउ परेका छन् ।
गोविन्दगंज थाना प्रहरीले छापामारी अमूल्य भन्ने व्यक्तिलाई पक्राउ गरेको हो । उनी रढिया पञ्चायतको राजेपुर गाउँका बासिन्दा हुन् । उनको घरबाट फर्जी परिचयपत्र तथा अन्य कागजात बरामद भएको पुलिस अधीक्षक नवीनचन्द्र झाले बताए ।
प्रहरीका अनुसार अमूल्यले विभिन्न व्यक्तिलाई ठगेको, गलत कार्य गर्न प्रहरीलाई दबाब दिने गरेको, आफ्नो मातापिता तथा समाजमा धाक जमाउन नक्कली एसपी बनेको प्रहरीलाई बयान दिएका छन् । साथै उनले नक्कली एसपीको धाक देखाउँदै मोटो दाइजो रकम र कार लेनदेन तय गरी विवाह गर्ने तयारी गरेको प्रहरीले जनाएको छ ।
