प्रस, वीरगंज, २८ असार/
सामुदायिक सेवा केन्द्र छपकैयाको आयोजनामा सोमवार भएको रक्तदान कार्यक्रममा दुईजना महिलासहित ७५ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
सामुदायिक सेवा केन्द्रका अध्यक्ष ग्यासुद्दीन ठकुराईको अध्यक्षता तथा पर्सा प्रहरी प्रमुख प्रहरी उपरीक्षक बेलबहादुर पाण्डेको प्रमुख आतिथ्यमा भएको रक्तदान कार्यक्रममा दिया साह, दुर्गादेवी सुवेदी, प्रवीण विक्रम शाह, राजकरण यादव, हरेराउत कुर्मी, सर्फलाल यादव, शेख जुनेद, समसाद अलि, कृष्णकुमार साहलगायतले रक्तदान गरेका थिए ।
कार्यक्रममा नेपाल रेडक्रस सोसाइटीका उपसभापति मधु राणा, ग्रीन सिटीका अध्यक्ष जयप्रकाश खेतान, वडाध्यक्ष बैजु स्वर्णकार, डा मनोज गुप्ता, प्रनि राजेश पुरी, ट्राफिक प्रमुख सुमन कार्कीलगायतको सहभागिता थियो ।
