प्रस, वीरगंज, २८ असार/
जिल्ला प्रहरी कार्यालय, पर्साले २५० किलो गाँजा बरामद गरेको छ । सोमवार दिउँसो आइसिपीबाट एचआर५५एम२२०९ नम्बरको भारतीय ट्रकबाट गाँजा बरामद भएको प्रहरी उपरीक्षक बेलबहादुर पाण्डेले बताए ।
उनले सूचनाको आधारमा आइसिपीमा रहेको ट्रक चेकजाँच गर्दा सोबाट २५ प्याकेट (२५० किलो) गाँजा बरामद भएको बताए । हेटौंडाबाट पर्साको पश्चिमी नाका भएर भारतीय नम्बरको ट्रकबाट गाँजा तस्करी भएको सूचनाको आधारमा छापा मारी गाँजा बरामद गर्न सफल भएको उनले बताए ।
आइसिपीमा रहेको ट्रकका चालक भने फरार भएको उनले बताए ।
