प्रस, वीरगंज, २७ असार/
बारा प्रहरीले ६२ बोरामा रहेको साढे १५ सय किलो भुटेको चना बरामद गरेको छ । बारा, विश्रामपुर गापा–३ बाट बेवारिसे अवस्थामा उक्त चना बरामद गरेको प्रहरीले जनाएको छ ।
उक्त भुटेको चनाको बजार भाउ करीब १ लाख १६ हजार रहेको छ । बिहीवार राति ११ः५० बजे जिल्ला प्रहरी कार्यालय र प्रहरी चौकी मुसहर्वा बाराबाट खटिएको संयुक्त टोलीले गस्तीको क्रममा चना बरामद गरेको थियो ।
सो भुटेको चना शुक्रवार आवश्यक कारबाहीका लागि वीरगंज भन्सार कार्यालयमा बुझाइएको बारा प्रहरीका प्रवक्ता प्रहरी नायब उपरीक्षक गौतम मिश्रले बताए । बारा प्रहरीले चना कुन गाडीमा कसले ल्याएको भन्नेबारेमा खुलाएको छैन ।
