प्रस, सिराहा, २५ असार
सिराहाको छुट्टाछुट्टै स्थानबाट प्रहरीले लागूऔषधसहित तीनजनालाई पक्राउ गरेको छ । लागूऔषधको कारोबारमा जिल्लाको धनगढीमाई नगरपालिका–११ नैनपुरस्थित नीला महतोलाई नियन्त्रणमा लिएको छ ।
पवन महतोको घरमा इलाका प्रहरी कार्यालय लहान र धनगढीको संयुक्त टोलीले खानतलाशी गर्दा लागूऔषध बरामद भएको हो । ६ किलो ५ सय ग्राम गाँजा र स्पामो नामक ६ सय थान ट्याब्लेट बरामद भएपछि महतोकी पत्नी नीलालाई नियन्त्रणमा लिएको प्रहरीले जनाएको छ ।
त्यसैगरी, गोलबजार नगरपालिका–६ गुम्बाचोकबाट प्रहरीले सोही स्थान निवासी कुमार लामालाई दुई सय मिलीग्राम ब्राउन सुगरसहित नियन्त्रणमा लिएको छ । सोही स्थानबाट अर्का एकजनालाई पनि प्रहरीले लागूऔषध कारोबारमैं पक्राउ गरेको छ ।
सप्तरीको बलान बिहुल गाउँपालिका घर भई सिराहाको धनगढीमाई नगरपालिका–१० बस्ने २५ वर्षीय प्रवीण शर्मालाई नाइट्रोभेट ट्याब्लेट एक सय थानसहित पक्राउ गरिएको हो ।
