प्रस, सेढवा, १६ असार
जीराभवानी गाउँपालिका–१ पिपरा बाढीले डुबानमा परेको छ। मङ्गलवार रातिदेखि परेको वर्षाका कारण लाटेगाडा खोलामा आएको बाढीले पिपराटोल डुबानमा परेको हो।
स्थानीय शङ्कर दास, किसन महतो, खिंचडी महतो, जङ्गाली राय, शिवशङ्कर दाससमेत डेढ दर्जन मानिसका घरमा बाढी पसेको छ। बाढी गाउँमा पसेपछि राजकुमार दास, ब्रह्मदेव दास, सनोज दास र महेन्द्र शर्माको घर पूर्णरूपमा क्षतिग्रस्त भएको छ। इलाका प्रहरी कार्यालय सेढवा, सशस्त्र प्रहरी बोर्डर आउटपोस्ट महादेवपट्टीको टोलीले स्थानीय स्रोत, साधन जुटाएर ट्याक्टरबाट उनीहरूलाई सुरक्षित स्थानमा सारेको छ।
गापाले तत्कालका लागि भुजा, चिउरा, चाउचाउ, बिस्कुट वितरण गरेको थियो।
