प्रस, सिराहा, असार ८/
सिराहामा करेन्ट लागेर दुईजनाको ज्यान गएको छ । छुट्टाछुट्टै स्थानमा करेन्ट लागेर दुईजनाको मृत्यु भएको प्रहरीले जनाएको छ ।
जिल्लाको लहान नगरपालिका वडा नं ९ का ५० वर्षीय जोगिन्दर साह र भगवानपुर गाउँपालिका वडा नं ५ का ४५ वर्षीय देवनारायण यादवलाई सोमवार करेन्ट लागेको थियो । खेतमा सिंचाइको लागि कल गाड्ने क्रममा साहलाई करेन्ट लागेको हो । यादवलाई भने घरको विद्युतीय मिटरको तार जोड्ने क्रममा करेन्ट लागेको हो ।
उपचारको लागि अस्पताल लैजानेक्रममा उनीहरूको मृत्यु सोमवार अबेर बाटैमा भएको जिल्ला प्रहरी कार्यालय सिराहाले मङ्गलवार बिहान जानकारी गराएको छ ।
